2019 оны 09 дүгээр сарын 11-ний өдөр 16 цагийн үед иргэнээс “манай нөхөр хутгаллуулчихсан гаднаас ороод ирлээ” гэсэн мэдээллийг Сонгинохайрхан дүүрэг дэх цагдаагийн хоёрдугаар хэлтсийн Шуурхай удирдлагын жижүүр хүлээн авчээ.
Мэдээллийн дагуу “Ачит118” чиглэлд үүрэг гүйцэтгэж байсан алба хаагч нар хэргийн газар шуурхай очиж шалгахад тус дүүрэгт оршин суух эрэгтэй Н гэгч архидан согтуурсан үедээ зүс таних Ц гэгчтэй гудамжинд тааралдан маргалдсаны улмаас архины шилний хагархайгаар хүзүүг нь зүссэн байна.
Улмаар гэртээ орж хутга авч гарч, гудамжинд явж байсан 53 настай Б, 49 настай Э, 36 настай Н нарыг шалтгаангүйгээр хутгалж гэмтэл учруулсныг шуурхай эрэн сурвалжилж илрүүлжээ.