ГССҮТ, Булган аймгийн нэгдсэн эмнэлэг, Орхон сумын ЭМТөвийн хамт олон 2021 оны долдугаар сарын 28-ны өдөр орон нутагт зам тээврийн осолд орсон дөрвөн иргэнд эмнэлгийн яаралтай тусламжийг түргэн шуурхай үзүүлж, нисдэг тэргээр тээвэрлэн Улаанбаатар хотод авч ирлээ.
Гэмтэл Согог Судлалын Үндэсний Төв нь тус иргэдийг түргэн тусламжийн хоёр машинаараа зөөвөрлөн, эмнэлгийн дараагийн шатны тусламж үйлчилгээг үзүүлж байна.
Иргэдийнхээ амь нас эрүүл мэндийг авран хамгаалахад цаг алдалгүй, түргэн шуурхай арга хэмжээ авч ажилласан Булган НЭ, Орхон сумын ЭМТөвийн хамт олон болон ГССҮТөвийн Мэдээгүйжүүлгийн тасгийн их эмч Г.Ариунболд нартаа талархал илэрхийлье гэж ГССҮТ-өөс мэдээллээ.
