Өмнөговь аймагт зураг авалтыг нь хийж говь нутгийн гайхамшгийг харуулсан “Говийн домог” киног бүтээхэд тус аймгаас хөрөнгө оруулалт хийжээ.
Саяхан дэлгэцнээ гарч үзэгч олны хүртээл болоод байгаа уг киног Өмнөговь аймаг, “Говийн оюу хөгжлийг дэмжих сан” нийт 230 сая төгрөгөөр санхүүжүүлэн дэмжиж ажиллажээ. UBS телевизийн бүтээл энэхүү киног хоёр жилийн хугацаанд 500 гаруй хүний хүч хөдөлмөр шингээж, нөр их хөдөлмөрөөр бүтээсэн байна. Уг киног хамтран бүтээсэн нь тус аймгийн аялал жуулчлалын салбарт томоохон дэвшил авч ирнэ гэж үзэж байгаа юм. Учир нь “Говийн домог” киногоор дамжуулан говь нутгийн байгалийн үзэсгэлэн, хүн зоных нь зан заншил, соёл уламжлалыг дэлгэрэнгүй харуулсан байна.