Завхан аймгийн Сонгино сумын Тариат багийн нута аймгийн төвөөс хойд зүгт 232 км, сумын төвөөс баруун зүгт 20 км-т орших Улаан давааны-Ар хэмээх газарт тус сумын харьяат малчин М нь дөрөвдүгээр сарын 29-ний 08:00 цагт мотоциклоор малаа хариулж яваад сураггүй болжээ.
Энэ дуудлагыг дөрөвдүгээр сарын 30-ны 20:30 цагт хүлээн авсан байна. Дуудлагын дагуу тус аймгийн Онцгой байдлын газрын Сонгино сум дахь Эрэн хайх, аврах бүлгийн алба хаагчид очиж, 30 настай малчин М-г эрэн хайх ажиллагааг зохион байгуулсан байна.
Эрэлчид 00:20 цагт тус багийн Улаан давааны-Ар гэдэг газар гэрээс нь зүүн урд зүгт 3 км-аас эсэн мэнд олсон хэмээн ОБЕГ-аас мэдээлэв.