Нийслэлийн Баянзүрх дүүргийн Хөдөлмөрийн хэлтсээс нэгдүгээр сарыг “Ажилгүйдлийн эсрэг хамтдаа” аян болгон зарласан билээ. Сарын аяны хүрээнд дүүргийн нийт ажилгүй иргэдийн судалгааг шинэчилж байгаа юм байна.
Тус хэлтсийн мэргэжилтнүүд хороодод ажиллаж ажил хөдөлмөр эрхлэх чадвартай, ажил идэвхитэй хайж буй болон тус хэлтэст бүртгэлтэй иргэдийн гэрт нь очиж нөхцөл байдлын нарийвчилсан судалгааг гаргаж байгаа юм. Ингэснээр ажил олгогч компаниуд цаг хугацаа алдалгүй ажиллах хүчээ олж байгаа бол ажил хайгч иргэд гэрээсээ ажилтай болох боломжтой болж байгаа аж.
Уг аян нь хөдөлмөр эрхлэлтийг дэмжих ажилүйлчилгээг иргэд, аж ахуйн нэгж байгууллагуудад түргэн шуурхай хүргэх, ажил олгогч болон ажилгүй иргэдийн хоорондын уялдаа холбоог сайжруулах, ажилд зуучлах үйлчилгээ, ажлын байрны захиалга бүртгэл мэдээллийг идэвхижүүлэх, мэргэжлийн чиг баримжаа олгох зорилготой юм байна.