Баянхонгор аймгийн Баян-Өндөр суманд Идрэнгийн нурууны орчимд Ашигт малтмалын газрын гурван ажилтан энэ сарын 24-нд төөрч, хоёр хүн нь олдож нэг ажилтан нь ор сураггүй болсон. Эрлийн багийнхан АМГ-ын геологчийг олоогүй байгаа аж. Эрэл үргэлжилж байгаа юм байна. Өчигдөр геологичийн мөр болон зарим хувцсыг олсон боловч эрэлд дөхөм болоогүй гэнэ. Машиных нь гурван дугуй хагарах үед нэг мэргэжилтэн нь GPS буюу байрлал тогтоогч аван “Шинэжинст ойрхон байна” гээд түрүүлж алхаад холбоо тасарчээ.