Монгол Улсын Ерөнхий сайд Н.Алтанхуягаас УИХ-ын дарга З.Энхболдод хандан Газрын тухай хуулийн төслийг татан авч буй албан тоот илгээжээ. Уг бичигт “Үндсэн хуулийн үзэл баримтлал, зүйл заалтад чанд нийцүүлэн боловсруулсан Газрын тухай багц хуулийн төсөлд газрыг гадаадын иргэн, аж ахуй нэгжид өмчлүүлэх, эзэмшүүлэхийг зөвшөөрсөн заалт тусгасан мэтээр зарим этгээд улс төрийн зорилгоор мушгин гуйвуулж, олон нийтийн мэдээллийг хэрэгслийг ашиглан иргэдийн төөрөгдүүлж, гүтгэлгийн шинж чанартай үйл ажиллагаа өргөжүүлж байгаа тул Засгийн газар 2013 оны нэгдүгээр сарын 11-ний өдөр УИХ-д өргөн мэдүүлсэн Газрын тухай багц хуулийн төслийг татан авч байгааг үүгээр уламжил байна” хэмээсэн байна. Удахгүй эхлэх чуулганы хуралдаанаар уг албан бичгийг танилцуулж, хуулийн төслийг татан авч буйг ёсчлох аж.
