Баасан гаригийн чуулганы хуралдаан үргэлжилж байна.
Хуралдааны эхэнд Галт зэвсгийн тухай хуулийн эцсийн хэлэлцүүлгийг хийж, уг хуулийг 76 хувийн саналаар баталлаа.
Мөн үүнтэй холбоотойгоор бусад хуулийн төслийг шинэчлэн баталж байна.
2001 онд баталсан Галт зэвсгийн тухай хууль нь зэвсэгт хүчин, бусад
цэрэг, цагдаа, тагнуул, хорих байгууллагын эзэмшилд байгаа байлдааны
зориулалттай галт зэвсгээс бусад галт зэвсгийг өмчлөх, эзэмших,
ашиглахтай холбогдсон харилцааг зохицуулж байсан бөгөөд уг хуульд нийт
гурван удаа нэмэлт, өөрчлөлт орсон байна.