Өнөөдөр өглөө 8:50 цагт Улиастайд байрлах Улаанбаатар хотын зүүн түгээх станцад гал гарсны улмаас нийслэлийн зарим газрууд одоог хүртэл цахилгаангүй байна. Мөн нийслэлийн зарим автозамын хөдөлгөөнийг зохицуулах гэрлэн дохио, камер хэвийн ажиллагаанд ороогүй байгаа аж.
Цахилгааны станцад гал гарсан шалтгааныг тогтоохоор цагдаа, тагнуулын байгууллагын албан хаагчид эрчимтэй ажиллаж байгаа талаар албан эх сурвалж мэдээлж байна
Хэдийгээр яаралтай арга хэмжээ авч зүүн болон төвийн хэсгийн эрчим хүчийг залгаад байгаа ч зарим хэсэгт тог тасарсан хэвээр байна. УБЦТС ХХК-иас эрчим хүчний доголдол хэзээ хэвийн болохыг лавлахад “Нэлээн том осол гарсан тул зарим хэсгийн цахилгааныг түгээх болоогүй байна. Мөн цаг нь тодорхойгүй байна” гэсэн хариу өгөв.