Samsung Electronics” корпораци нь Galaxy Note 7 загварын ухаалаг гар утсыг наймдугаар сарын 19-нөөс борлуулж эхэлсэн боловч энэ гар утсыг цэнэглэж байхад дэлбэрч дуулиан дэгдсэн билээ. Тиймээс дэлхий даяар борлуулагдсан 2.5 сая гар утсыг зах зээлээс эргүүлэн татсан юм.
Эргүүлэн татах ажил ерөнхийдөө дуусч энэ сарын эхнээс засварлагдсан загварыг хэрэглэгчдэд өгч эхэлсэн ч солиулж авсан гар утас нь дэлбэрч шатсан 8 тохиолдол гарчээ.
Энэхүү үүссэн нөхцөл байдалтай холбогдуулан тус компани Galaxy Note 7 ухаалаг гар утсыг үйлдвэрлэхээ түр зогсоосон байна.