Канадын баруун нутгийн Альберт муж дахь Форт МакМюррей хотод гарсан гал түймрийн цар хүрээ 10 дахин нэмэгдсэн байна. Түймрийн улмаас 85 мянган га талбай сүйджээ. Галыг унтраахаас 2500 орчим гал сөнөөгч болон 200 гаруй галын машин ашиглаж байна.
Ерөнхий сайд Жастин Трудо өчигдөр гашгийн бүсэд очсоныхоо дараа Альберт мужид онц байдал зарлажээ. Онц байдлын хүрээнд бүх сургууль болон цэцэрлэгийн үйл ажиллагааг зогсоож, иргэдийг яаралтай нүүлгэн шилжүүлж эхэлжээ.
Түймэр гарсан шалтгааныг холбогдох албаныхан тодруулж чадаагүй ч, сүүлийн үед тус бүс нутагт зонхилж байгаа халуун, хуурай цаг агаар, хүчтэй салхи зэрэг нь түймэр газар авахад нөлөөлсөн гэж мэдээлж байна. Канадын Форт МакМюррей хотод газрын тос олборлох томоохон байгууламжууд байрладаг. Гал түймэр газрын тос олборлох байгууламжуудын эсрэг зүгт тархаж байгаатай холбогдуулан зарим олборлох газрын үйл ажиллагааг түр зогсоожээ.