2022 оны урьдчилсан гүйцэтгэлээр гадаад худалдааны нийт бараа эргэлт 21,244.8 сая ам.долларт хүрч, өнгөрсөн оны мөн үеэс 32.0 хувь буюу 5,149.0 сая ам.доллараар өсчээ.
Мөн гадаад худалдааны тэнцэл 3,836.0 сая ам.долларын ашигтай гарлаа. Өмнөх оны мөн үеэс 1,437.5 сая ам.доллар буюу 59.9 хувиар өсөхөд импорт 1,855.8 сая ам.доллар, экспорт 3,299.3 сая ам.доллараар тус тус өссөн нь нөлөөлсөн байна.
Экспорт: 2022 оны урьдчилсан гүйцэтгэлээр 12,540.4 сая ам.долларт хүрч, эдийн засаг хэвийн байсан 2019 оны мөн үетэй харьцуулахад 4,920.8 сая ам.доллар буюу 64.6 хувиар, харин 2020 оны мөн үетэй харьцуулахад 4,964.1 сая ам.доллар буюу 65.5 хувиар өссөн байна.
Импорт: 2022 оны урьдчилсан гүйцэтгэлээр импорт 8,704.4 сая ам.доллар болж 2019 оны мөн үетэй харьцуулахад 2,576.9 сая ам.доллар буюу 30.3 хувиар, 2020 оны мөн үеэс 3,405.5 сая ам.доллар буюу 64.3 хувиар тус тус өссөн байна гэж ГЕГ-аас мэдээллээ.