Ам.долларын ханш чангарч, импортын хэрэглээний өртөг нэмэгдсэнээр манай
улсын гадаад худалдаа ашигтай гарах болсон. Тодруулбал, он гарсаар
гадаад худалдаа тогтмол ашигтай гарч буй билээ. Эхний таван сарын
байдлаар манай улс дэлхийн 122 оронтой худалдаа хийж, гадаад худалдааны
нийт бараа эргэлт 3316.2 сая ам.долларт хүрсэн байна.
Үүнээс экспорт 1869.3, импорт 1447 сая ам.долларт хүрчээ. Ингэснээр
гадаад худалдааны тэнцэл 174.5 сая ам.долларын ашигтай гарсан байна. Энэ
нь импортын хэмжээ буурч, экспорт өссөнтэй холбоотой. Тодруулбал, нийт
экспортын хэмжээ 2.7 хувиар өсч, импортын хэмжээ 31 хувиар буураад
байгаа юм.