Хамтран амьдрагч бүсгүйгээ зодож, амь насыг нь хохироосон гэх хэрэгт сэжиглэгдэж буй Г.Алтанхүүд холбогдох хэргийн анхан шатны шүүх хурал дүүргийн эрүүгийн хэргийн нэгдүгээр шүүхэд өнөөдөр эхэлээ.
Өмнө нь уг хэргийн шүүх хурал болсон ч нэмэлт мөрдөн байцаалтад буцаасан байдаг. Нийслэлийн прокурорын газраас Г.Алтанхүү нь талийгаач Н.Цэдэн-Ишийг зодож, олон тооны шарх сорви үлдээж, амь насыг нь бүрэлгэсэн болох нь тогтоогдсон талаар мэдээлээд байгаа.
Түүнчлэн уг хэрэгт холбогдуулан Шүүхийн шинжилгээний үндэсний хүрээлэнгийн нэр бүхий эмч нарт эрүүгийн хэрэг үүсгэсэн. Тодруулбал, Шүүхийн шинжилгээний үндэсний хүрээлэнгийн хэлтсийн дарга асан Г.Дагиймаа, Б.Ундармаа, Ч.Эрдэнэболор, Д.Долгормаа, Ц.Бадамсэд, З.Хишгээ, Ж.Ганцэнгэл, Ч.Эрдэнэболор, Е.Жандос, Г.Энхбаатар, М.Отгонбаатар, М.Золжаргал тэргүүтэй эмч нарыг холбогдуулан шалгаж байгаа билээ. Шүүх хурлын талаар эргэн мэдээлэх болно.