НҮБ-ын уур амьсгалын өөрчлөлтийн суурь конвенцийн талуудын 21 дүгээр бага хурлын (СОР-21) өндөр дээд хэмжээний уулзалтад оролцох БОНХАЖ-ын сайд Н.Батцэрэгийн айлчлал энэ сарын 5-ны өдөр Францын улс төр, бизнесийнхний жил бүр уулздаг “Рояаумоны яриа”-нд хүндэт зочноор оролцсоноор эхэлсэн.
БОНХАЖ-ын сайд Н.Батцэрэг “Өсөх, хөгжих, ногоон болох” сэдэвт дугуй ширээний ярилцлагад оролцон Монгол Улсын Ногоон хөгжлийн бодлого, Монгол Улсын эдийн засгийн асуудал, Монгол Улсад хөрөнгө оруулах чиглэлийн талаар мэдээлэл өгч, санал солилцжээ.
Сайд Н.Батцэрэг Францын сэргээгдэх эрчим хүчний чиглэлээр ажиллаж байгаа томоохон компанийн нэг болох “АКУО” эрчим хүчний группын ерөнхийлөгч Эрик Скоттотойтой уулзаж, тус групп Монгол Улсын сэргээгдэх эрчим хүчинд хөрөнгө оруулалт хийх хүсэлтэй байгаагаа илэрхийлсэн байна. Талууд Монгол Улсад сэргээгдэх эрчим хүчний томоохон төсөл хэрэгжүүлэхээр тохирлоо.