Улаанбаатар хот бороотой өнжлөө. Нийслэлийн гудамж, зам, талбайд борооны улмаас их хэмжээний ус тогтож замын хөдөлгөөн удааширч, түгжрэл саатал бий болов. Улмаар зарим замын хөдөлгөөнийг хаасан юм.
Замын цагдаагийн албанаас өгсөн мэдээллээр “И-Март” худалдааны төвийн уулзвар, 100 айлаас хойш Иргэний бүртгэлийн ерөнхий газар хүртэлх зам, 100 айлаас зүүн тийш Сэлэнгэ зочид буудал, 10 дугаар хорооллоос нэгдүгээр хороолол хүртэл, Саппоро төвийн уулзвараас хорооллын эцэс, Бөмбөгөр худалдааны төв, Гэсэр сүмийн уулзварын авто замуудад их хэмжээний ус тогтсоны улмаас авто замын хөдөлгөөн саатсан юм.
Жил бүрийн усан борооноор нийслэл хотын зам, талбайн ус зайлуулагчийн асуудал хөндөгддөг. Өнөөдрийн бороонд замын хөдөлгөөн ямаршуу байсныг гэрэл зургийн сурвалжлагаар хүргэж байна.
Гэрэл зургийг С.ГЭРЭЛТ-ОД