“Өглөөний Улаанбаатар” төслийн хүрээнд “Өглөөний гудамж”-ыг тохижуулах ажлыг Нийслэлийн хот тохижилтын газар ОНӨТҮГ хийж байна. Энэ талаар Нийслэлийн хот тохижилтын газрын орлогч дарга Д.Батболд “Өглөөний гудамжид үйл ажиллагаа явуулах аж ахуй нэгжүүд өглөө эрт тусгай цагийн хуваариар ажиллана. Лекц, сургалт, сайн дурын ажил гэх мэт төрөл бүрийн арга хэмжээг энд зохион байгуулах юм. Тохижилтын ажил 60 хувьтай явж байна. Одоогоор усан оргилуур, цэцэгжүүлэлт, явган хүний замын ажил дууссан. Гудамжны гэрэлтүүлэг, “Өглөөний улаанбаатар” хөшөө, арга хэмжээ явуулах тайзыг хийж, үйлчилгээний байгууллагуудын гадна фасадыг будсанаар тохижуулж дуусах юм. “Өглөөний гудамж” ирэх сарын 1-нээс нээлтээ хийнэ” гэв.
Байршил: Чингэлтэй дүүргийн нэг дүгээр хороо “Гутлын 22”
Цагийн хуваарь: Өглөө эрт тусгай цагийн хуваариар үйл ажиллагаагаа эхлүүлнэ.
Арга хэмжээ: Төрөл бүрийн сургалт, лекц, сайн дурын үйл ажиллагаа, сонирхлын бүлгийн уулзалт, урлаг, спортын арга хэмжээ зохион байгуулах боломжтой.
Үйлчилгээ: Кофе шоп, хоолны газар
Онцлог: “Өглөөний гудамж”-ны гэрэлтүүлэг нь нарны эрчим хүчээр тэжээгдэх бөгөөд нийслэлийн гэрэлтүүлэгт анх удаа энэ технологийг нэвтрүүлж байгаа аж.
Талбайн хэмжээ: 5504 мкв
