Филадэлфа 76 баг цувралыг 3-0-ийн харьцаатай итгэл төгс тэргүүлж байна

NBA-гийн плэй-оффын эхний шатны тоглолтууд үргэлжлэн явагдаж байна. Өнөөдөр гурван тоглолт боллоо.

Филадэлфа 76 баг Миами Хитийн талбай дээр зочлон тоглов. Өмнөх тоглолтод дасгалжуулагч Эрик Споэстрогийн ур ухаанаар ялалт байгуулж чадсан дөлнүүд тоглолтын эхний гурван үед хүч тэнцүү тоглосон. Ялангуяа Жастайс Винслов, Горан Драгич нар тоглолтыг эрчтэй эхлүүлсэн юм. Харин өмнөх тоглолтод онцгой байсан Дуайн Вэйд энэ удаа тааруу тоглолт үзүүллээ. Дөлнүүдийг довтлох бүрт 76-чууд эргүүлэн оноог авч байв. Бэртлээсээ эргэн ирсэн Жоэл Эмбид цөөхөн минутад ашигтай тоглож сэлгээнээс Марко Бэлинэли найдвартай шидэж байлаа. Сүүлийн дөрөвдүгээр үед хоёр багийн оноо бараг тэнцүү эхэлсэн ч төгсгөл хийх ур чадвартай тамирчин Миамид байсангүй. Улмаар тоглолт 128-108-ын харьцаатай Филадэлфа 76-чуудын давамгайллаар өндөрлөв. Цувралын харьцаа (2-1)

Хэдхэн хоногийн өмнө плэй-оффд орох үгүй нь тодорхойгүй байсан Нью Орлэанс Пэликансчууд бахдам амжилттай явна. Ихэнхи аналистууд Пэликанс плэй-оффд орох шаардлагагүй ганц тоглогчын баг гэх мэт олон шүүмж хэлж байсан. Харин тэдний эсрэг Портланд Триал Блайзэрс тоглож байгаа. Тус хоёр багийн цувралын гурав дахь тоглолт өнөөдөр боллоо. Пэликансчууд тоглолтын эхнээс эрчтэй байж олон онооны зөрүүг бий болгосон. Ялангуяа гарааны тамирчид нь довтолгоо хамгаалалт гайхалтай байгааг онцлох нь зүйтэй. Портланд Триал Блэйзэрсчууд тоглолтын турш Пеликансчуудын араас нэхсэн ч гүйцсэнгүй 119-102-ын харьцаатай ялагдал хүлээлээ. Цувралын харьцаа (3-0)

Сан антониа Спүрс багийн дасгалжуулагч Грег Попович ар гэрийн шалтгааны улмаас өнөөдрийн тоглолтод оролцоогүй. Харин тэдний баг өрнөд бүс төдийгүй NBA-гийн хүчирхэг баг Голдэн Стэйттэй эхний шатны тоглолтуудаа хийж байгаа. Дасгалжуулагчийн эзгүйд Спүрсчүүд эхний хагаст Голдэн стэйтийн дайчидтай эн тэнцүү хүчийг үзсэн. Ламаркус Алдриж болон, Тони Паркэр нар багийнхаа оноог явуулж байсан гол хүмүүс байлаа. Улмаар гуравдугаар үед уламжлал ёсоор дайчдын тоглолт орж онооны харьцааг холдуулж улмаар 110-97-ын харьцаатай ялалт байгуулав.

Б.АМАРТҮВШИН