‘Монголд анх удаа “Face of Beauty International-2016” олон улсын гоо бүсгүй шалгаруулах тэмцээн боллоо. Дэлхийн 60 орны гоо бүсгүйчүүд өрсөлдсөн тус тэмцээний ялагч өнөөдөр “Корпорэйт” /Corporate Hotel Convention Center/ концертын их танхимд тодорлоо.
“Face of Beauty International-2016” тэмцээний ялагчаар ОХУ-ын мисс тодорсон бол дэд байрт Зимбабве, гуравдугаар байрт Филиппиний мисс орлоо. Эх орноо төлөөлөн оролцсон Э.Урангоо дөрөвдүгээр байрт орсон бол Португалийн мисс шилдэг тавд багтжээ.
Энэхүү гоо бүсгүйн тэмцээнийг “Face of Beauty international” тэмцээний ерөнхийлөгч Мила Мануэл, сардаа 100 гаруй сая хүн шимтэн уншдаг “Missosology” сайтыг үүсгэн байгуулагч, захирал Пави Вэнтура болон “Монгол тулгатны 100 эрхэм” нэвтрүүлгийн хөтлөгч П.Анужин нарын шүүгч нар шүүн явуулсан юм. Мөн 60 орны гоо бүсгүйчүүдээс гадна Украйны “АМЬД БАРБИ” Валерия Лукьянова шүүгчийн бүрэлдэхүүнд багтсан нь олны анхаарлыг хамгийн ихээр татаж байсан юм.
“FACE OF BEAUTY INTERNATIONAL” Шинэ Зиланд улс санаачлан 2012 оноос эхлэн энэхүү тэмцээнийг зохион байгуулсан бөгөөд цар хүрээ, нэр хүнд нь хурдацтай өсөж, Miss Universe, Miss World, Miss International, Miss Earth тэмцээний дараа тавд бичигдэж эхэлжээ.
MISSOSOLOGY.ORG. Фэйсбүүк хуудаснаа 500 гаруй мянган дагагчтай, сардаа 200 гаруй улсаас 3,7 сая хүн зочилж, ойролцоогоор 95 сая удаа нийтлэлүүдийг нь уншдаг тус сайт олон улсын тэмцээнүүдийн чансааг тодорхойлж, дүн шинжилгээ хийдэг. Өдгөө дэлхийн шилдэг сайтын нэг болсон www.missosology.org-ийн жагсаалтанд FACE OF BEAUTY INTERNATIONAL тэмцээн тавдугаар байрт бичигдэж байна.
Манай улс энэхүү тэмцээнийг зохион байгуулахаар 2013 оноос хойш хүсэлт тавьж байжээ. Ингээд Шинэ Зеланд, Австрали, Тайвань зэрэг орнуудтай өрсөлдөн 2016 онд зохион байгуулах эрхийг өнгөрсөн онд авчээ.
“Face of Beauty International-2016” тэмцээнд оролцохоор дэлхийн 60 гаруй улсын гоо бүсгүй, ерөнхий зохион байгуулагчаар Мила Мануел, “Missosology” сайтын тэргүүлэгч Павее Винтура, загварын агентлагийн захирал шүүгч зэрэг нийт 200 гаруй хүн манай улсад ирж, долоо хоногийн турш саатлаа.
