Европын холбооны удирдлагууд Украинд 18 тэрбум долларын санхүүгийн дэмжлэг үзүүлэх саналаа баталлаа.
Тэд ирэх онд Украины эдийн засгийг сэргээхэд дэмжлэг болгон энэ мөнгийг зээл болгон өгөхөөр тохиролцсон байна. Ингэхдээ уг дэмжлэг Оросын цэргүүдийн сүйтгэсэн чухал шаардлагатай дэд бүтцийг сэргээхэд туслах, шаардлагатай нийтийн үйлчилгээг хадгалахад чиглэсэн гэжээ.
Ингэж Украины эдийн засгийг сэргээж, санхүүжүүлэх эхний санаачилгыг Унгарын Засгийн газар эсэргүүцэж байсан ч, долоо хоногийн эхээр хоригоо цуцалсан юм.