Нийслэлийн Эрүүл мэндийн газрын нэрийг барьж залилан хийх асуудал нэг бус удаа гарчээ. Тухайлбал, иргэн, албан байгууллагууд руу залган “Нийслэлийн эрүүл мэндийн газраас ярьж байна. Тусгай зөвшөөрөл, галын болоод ажлын байрны дүгнэлт зэргийг гаргаж өгөх тул дансанд мөнгөө байршуулна уу” гэжээ. Ийнхүү хувь хүний данс өгөх замаар залилан хийсэн байна. Тиймээс иргэн, албан байгууллагуудад анхааруулахад шаардлагатай тохиолдолд 11-325054, 11-324124 утсанд хандах, сэжигтэй тохиолдол гарвал нийслэлийн Цагдаагийн газар, нийслэлийн Эрүүл мэндийн газарт мэдэгдэхийг анхааруулжээ.