Монгол Улсын Ерөнхийлөгч Ц.Элбэгдорж морин цагт саналаа өглөө. Тэрбээр өөрийн оршин суугаа харьяаллын дагуу Орос III сургуульд байрлах санал авах хэсгийн хороонд очиж саналаа өгсөн юм. Тэрбээр нийт сонгогчдодоо хандан “Та бүхний энэ өдрийн амгалан айлтгая. Ард иргэд маань сонгуульдаа идэвхтэй оролцоно гэдэгт итгэж байна. Сонгууль зохион байгуулж буй албан хаагчид сонгуулиа хуулийн дагуу иргэдийнхээ чөлөөтэй саналаа илэрхийлэх бололцоог хангаж сайн ажиллана гэдэгт итгэж байна. Сонгуулиа амжилттай хийгээд удахгүй улсын наадам болно. Бөхчүүд нь бяртай, морьд нь хурдтай, харваачид нь цэцтэй байхын өлзийтэй ерөөлийг дэвшүүлье. Сонгуулиа амжилттай хийгээд бүгдээрээ сайхан наадъя. Төр улсын ажил үйлс урагштай түмэн олны амьдрал амгалан, бүтээл нь улам их байхын өлзийтэй ерөөлийг өргөн дэвшүүлье” гэв.
