Монгол Улсын Ерөнхийлөгч Х.Баттулга өнөөдөр Сэлэнгэ аймагт ажиллаж, тус аймгийн иргэдтэй уулзаж байна. Уулзалтын үеэр тус аймгийн иргэд аймагтаа тулгамдаад буй асуудлын талаар санал сэтгэгдлээ илэрхийлсэн юм. Тухайлбал, Сэлэнгэ аймагт хөрсний бохирдлын асуудал хүндрэлтэй байгаа төдийгүй гурван тэрбум төгрөгөөр баригдсан цэвэрлэх байгууламж үүргээ гүйцэтгэхгүй байна гэх асуудлыг хөндсөн юм. Мөн аймаг, сумдад намчирхал газар авч байгааг шүүмжлэн хэллээ.