Ерөнхийлөгч Х.Баттулга энэ сарын 24-28-ны өдрүүдэд зүүн болон говийн бүсийн таван аймагт ажиллаж байна.
Тэрбээр өнөөдөр Дорноговь аймагт ажиллах бөгөөд энэ хугацаанд тус аймгийн иргэд хөдөлмөрчдийн төлөөлөлтэй “Саран хөхөө” театрт уулзалт хийх юм. Ерөнхийлөгч өчигдөр Сүхбаатарын иргэдтэй уулзах үеэрээ “Та бүхэн орон нутагт байгаа байр байдлаа илэн далангүй яриарай. Үүнээс үүдэж УИХ, Засгийн газрыг шахаж ажиллах юм. Та бүхний ярьсан чухал санал санаачилга цаасан дээр бууна. Улс, эх орныхоо хөгжлийн төлөө надтай хамтран ажиллаарай” хэмээн уриалсан аж.
Төрийн тэргүүн одоогийн байдлаар нийслэлийн Чингэлтэй, Сүхбаатар, Сонгинохайрхан, Баянгол, Хан-Уул, Баянзүрх, Багахангай дүүрэг болон Хэнтий, Дорнод, Сүхбаатар аймагт ажиллаад байна. Тэрбээр маргааш Говь-Сүмбэр аймагт хүрэлцэн очих юм.