Ерөнхийлөгч Х.Баттулга УИХ-ын хаалтын чуулган дээр үг хэлсний дараа гишүүд түүнд асуулт тавихаарболлоо. Хамгийн эхэнд Ж.Энхбаяр гишүүн хоёр асуулт тавилаа.
Тэрбээр “Эрдэнэт үйлдвэртэй холбоотой зөрүүтэй мэдээлэл маш их байна. Та бидэнд мэдээлэл өгөөч. Зэвсэгт хүчнийг бүтээн байгуулалтанд оролцуулах эх орончүзэл санааг нийгмийн үнэт зүйл болгох, энэ олон залуусыг цэргийн албаар дамжуулж хүмүүжүүлэх, ажил мэргэжилтэй болгох санаачилгыг улс төрийн асуудал болгоод ойлгомжгүй байдал руу орчихлоо. Үүнийгээ та нэг тайлбарлаач, юу бодожэнэ асуудлыг тавьсан юм бэ, ямар тооцоо судалгаатай яваад байгаа юм бэ, МСҮТ-тэй яаж холбож байгаа вэ гэсэн юм
Ерөнхийлөгч Х.Баттулга хариулахдаа: Эрдэнэт үйлдвэрийн 51 хувьтай холбоотой асуудлаар арбитрын шүүхийн бичиг баримтыг авчруулах талаар хариуцсанбайгууллагуудад нь санал өгсөн байгаа. Би одоо Эрдэнэтэд 19.30 цагаас уулзалттай. Зам шуургатай байна.Би өнөөдөр зүгээр говийн болон зүүн аймгуудаар явах үеэр иргэдийн хэлсэн санал, хүсэлтийг УИХ-ын хаалтын чуулган дээр хэлж байгаа юм. Асуултанд хариулъя гэсэн санал өгөөгүй. Яагаад гэвэл тэнд хүмүүс уулзахаар хүлээж байгаа, зам асуудалтай байгаа учраас одоо явахгүй бол болохгүй нь. Зэвсэгт хүчинтэй холбоотой маш олон зүйлийг цуглуулсан байгаа. Энэ тухай тусгайлан байнгын хорооны хуралдаанд ч юм уу гишүүдтэй уулзаж, тоо баримттай яримаар байна, баярлалаахэмээн гарч одсон юм.
Ерөнхийлөгчид асуулт тавихаар зэхсэн гишүүд шуугилдахад УИХ-ын дарга М.Энхболд “Тамгын газрын дарга өнгөрсөн долоо хоногт асуулт гарвал хариулна гэсэн юм” хэмээн тайлбарлаж байлаа.
Б.ЭГШИГЛЭН