Ерөнхий сайд У.Хүрэлсүх энэ сарын 15 буюу ирэх долоо хоногийн баасан гаригийн УИХ-ын чуулганы нэгдсэн хуралдаанд ээлжит мэдээллээ хийнэ. Энэ удаа гэр хорооллын дахин төлөвлөлт, орон сууцжуулах хөтөлбөрийн талаар гишүүдэд мэдээлэл өгөх юм байна.
Гэр хорооллын иргэдийг орон сууцжуулах ажилд БНХАУ-ын Засгийн газраас олгох 350 сая юанийн буцалтгүй тусламжийг зарцуулахаар төлөвлөөд буй. Ингэхдээ энэ мөнгөөр “Хямд үнэтэй орон сууц” төслийг хэрэгжүүлэх юм байна. Төслийн хүрээнд 1000 айлын түр орон сууц барихаар Ногоон нуур орчимд барилгын ажлыг эхлүүлээд байгааг Ерөнхий сайдын мэдээлэлд дурджээ.