Баасан гаригийн үдээс хойших УИХ-ын чуулганы нэгдсэн хуралдаанд Засгийн газар гишүүд мэдээлэл хийж, УИХ-ын гишүүдийн сонирхсон асуултад нь хариулдаг дэгтэй. Харин өчигдөр гишүүдийн саналаар Засгийн газар мэдээлэл хийхээ хойшлуулсан юм. Тэгвэл ирэх долоо хоногийн баасан гаригийн УИХ-ын чуулганы нэгдсэн хуралдаанд Ерөнхий сайд Ч.Сайханбилэг мэдээлэл хийхдээ Засгийн газраас 2015 онд эрчим хүчний салбарт авч хэрэгжүүлсэн арга хэмжээ, түүний үр дүнгийн талаар танилцуулах юм байна.
Эрчим хүчний салбарын хууль эрхзүйн орчин, үнэ тарифын зохицуулалт, үйлдвэрлэл, үйл ажиллагаа хийгээд өнгөрсөн онд тус салбарт хийгдсэн бүтээн байгуулалтын талаар ийн мэдээлэл өгөхөөр болжээ.