Манай улсын эрдэс бүтээгдэхүүний экспорт дунджаар 54 хувийн гүйцэтгэлтэй байна. Тухайлбал, нүүрс 68.7, зэсийн баяжмал 73.4, төмөр 47, алт 53.6, цайр 86.4 хувь байгааг УУХҮЯ мэдээлэв.
Энэ сарын 5-11-ний өдөр 6,491 автомашин, 750 чингэлэг нийт 818.5 мян.тн нүүрс экспортод гаргасан нь өмнөх оны мөн үеийнхээс 548.4 мян.тн буюу 2 дахин нэмэгдсэн аж. Оны эхнээс 12,365.7 мян.тн нүүрс гаргаснаар нүүрс экспорт өмнөх оны мөн үеийн хэмжээнээс 1,640.6 мян.тн буюу 15.3 хувиар нэмэгджээ.
Долоо хоногт 128 автомашин, 206 чингэлэг буюу оны эхнээс 890.8 мян.тн зэсийн баяжмал экспортолсон нь өнгөрсөноны мөн үеийнхээс 85.9 мянган тонноор буюу 11 хувийн өсөлттэй байна. Харин төмрийн хүдэр, баяжмалын тухайд 628 автомашин, 408 чингэлэг буюу оны эхнээс нийт 2,378.7 мян.тн-ыг экспортолсон нь өнгөрсөн оны мөн үеийнхээс 51.5 хувиар багаслаа.
Төв банк оны эхнээс энэ сарын 11-ний өдрийн байдлаар 10.72 тонн алт худалдан авчээ.