ОБЕГ-ын дэргэдэх Гамшиг судлалын хүрээлэнгээс “Гамшгаас хамгаалах бодлогын хөгжил, шинэчлэл” эрдэм шинжилгээний бага хурлыг өнөөдөр цахимаар зохион байгууллаа.
Цахим хуралд ОБЕГ болон төв, орон нутгийн Онцгой байдлын газар, хэлтэс, анги, байгууллага, Гамшгаас хамгаалах улсын албад, МУЗН, МУИС, ДХИС-ийн Онцгой байдлын сургууль, ҮБХИС, Батлан хамгаалах эрдэм шинжилгээний хүрээлэн, Шинжлэх ухааны академийн харьяа Одон орон, геофизикийн хүрээлэн, Газар зүй, геоэкологийн хүрээлэн зэрэг нийт 24 байгууллагын 100 гаруй эрдэмтэн судлаач, алба хаагч, оюутан залуус оролцсон юм.
Энэ үеэр гамшгаас хамгаалах бодлогын хөгжил, шинэчлэл, түүний хэрэгжилт, цаашдын чиг хандлага, стратегийн чиглэлээр шинэлэг санааг агуулсан онол, арга зүйн болоод практик ач холбогдолтой илтгэлүүдийг хэлэлцүүлсэн юм.
Хурлаар хэлэлцсэн илтгэлүүдийн үр дүн, оролцогчдын саналд үндэслэн Гамшгаас хамгаалах бодлого, стратегийг боловсруулагчид, энэ чиглэлээр судалгаа хийдэг эрдэмтэн судлаачид, судалгааны байгууллагад хандсан зөвлөмж гаргалаа гэж Онцгой байдлын ерөнхий газраас мэдээллээ.