БНӨСУ дахь НҮБ-ын энхийг дэмжих ажиллагаанд үүрэг гүйцэтгэж буй хурандаа М.Батчулуун захирагчтай Монгол Улсын Зэвсэгт хүчний цэргийн багийн IV ээлжийнхэнд НҮБ-ын “IN THE SERVICE OF PAECE” медаль гардуулав. Мөн энэ үеэр цэргийн алба, ажил үйлс, үүрэг гүйцэтгэлээрээ бусдыгаа манлайлан ажиллаж байгаа 30 дайчдыг МЗХ-ны тэргүүний залуу, цэргийн алдар, залуу үеийг халамжлан хүмүүжүүлэгч медалиудаар шагнажээ.
Энэ үеэр UNMISS ажиллагааны Хүчний командлагч дэслэгч генерал Иоханес Гебремескел Тэсфамариам хүнд цэгүүдийн нэг болох Бентьюд үүргээ хамгийн сайн гүйцэтгэж байгааг онцлон, Монголын цэргийн мэргэжлийн ур чадварт үргэлж итгэж, үүрэг гүйцэтгэлд нь сэтгэл хангалуун байдгаа илэрхийлжээ.
