Энэ сарын 30-наас ирэх сарын 1-ний өдрүүдэд

Японы “Никкей” сэтгүүлд мэдээлснээр, энэ оны дэлхийн хамгийн шилдэг 100 брэндийн тоонд Азиас өмнөх оны адил 11 брэнд багтсаны нэгдүгээрт нь “Самсунг” орсон байна. Өөрөөр хэлбэл, тус компани анх удаагаа Азийн хамгийн шилдэг компани боллоо.

“Самсунг” корпораци өнгөрсөн онд 100 брэндийн жагсаалтын долдугаарт жагсаж байсан бол энэ онд нэг байр ахин жагсаалтын зургадугаарт оржээ. Эндээс үзвэл, “Самсунг”-ийн өв залгамжлагч бөгөөд дэд тэргүүн И Ён Жэ авлигын хэргээр ял сонссон, худалдаанд гаргаад хоёрхон сар болж байсан “Галакси Нөүт 7” ухаалаг гар утас нь шатаж дэлбэрсэн тохиолдол цөөнгүй гарснаар уг бүтээгдэхүүнээ өнгөрсөн оны 10 дугаар сард зах зээлээс татахаас өөр аргагүйд хүрсэн зэрэг нь тус компанийн нэр хүндэд төдийлөн сөргөөр нөлөөлөөгүй бололтой.

“Өмнөд Солонгосын хамгийн том конгломерат болох “Самсунг” нь сүүлийн 10 жилийн хугацаанд олон улсын зах зээлд нөлөөгөө бэхжүүлэх бодлого баримталсаар ирсэн. Энэ бодлогоо одоо ч өөрчлөөгүй хэвээр байна. Энэ нь тус компанийг янз бүрийн дуулиан шуугианыг хялбархан даван туулахад тус болж байна” гэж дэлхийн хамгийн шилдэг 100 брэндийн жагсаалтыг гаргасан “Интербрэнд” компанийн Япон дахь салбарын захирал Масахито Намики ярьжээ.

Харин өнгөрсөн онд дэлхийн хамгийн шилдэг 100 брэндийн жагсаалтын тавдугаарт жагссан Азийн анхны компани болж байсан Японы “Тоёота” энэ онд тивийнхээ компаниудаас долдугаарт бичигджээ. Хоёр байраар ухарсан нь Японы автомашин үйлдвэрлэгч тус компанийн АНУ-ын зах зээл дэх борлуулалт буурсантай холбоотой гэнэ.

Азиас дэлхийн хамгийн шилдэг 100 брэндийн тоонд багтсан 11 компанийн зургаа нь Японых байна.