Том малын зүй бус хорогдол энэ оны нэгдүгээр сард улсын хэмжээнд 11.1 мянга болж, өмнөх оны мөн үеэс 285.5 мянгаар буурсныг Үндэсний статистикийн хорооноос мэдээллээ.
Тус сард 634 толгой мал өвчнөөр хорогдсон нь өмнөх оны мөн үеэс 375 (2.4 дахин их) толгойгоор өсээ.
Том малын зүй бус хорогдлыг төрлөөр нь авч үзвэл, ямаа 4.9 мянга, хонь 3.9 мянга, үхэр 1.5 мянга, адуу 799 толгой, тэмээ 11 толгойгоор тус тус хорогдсон байна. Нийт хорогдсон малын 44.2 хувийг ямаа, 35.4 хувийг хонь эзэлж байна.
Хорогдлыг аймгаар нь авч үзэхэд нэгдүгээр сард Хэнтий аймагт 2.1 (18.8 хувь) мянга, Ховд аймагт 2.0 (18.5 хувь) мянга, Баян-Өлгий аймагт 1.5 (14.0 хувь) мянга, Архангай аймагт 1.2 (10.9 хувь) мянган толгой мал хорогдсон нь нийт хорогдлын 62.2 хувийг эзэлж байгаа аж.
Улсын хэмжээнд 2021 оны эцэст тоологдсон 30.8 сая эх малын 3.2 мянга (0.01%) нь өнгөрсөн нэгдүгээр сард хорогджээ.