Монгол Улсын нийгэм, эдийн засгийн үзүүлэлтийг ҮСХ-ноос танилцууллаа.
2023 оны эхний улиралд 16.3 мянган хүүхэд төрсөн нь өмнөх оны мөн үеэс 19.1 хувиар өссөн байна. Улсын хэмжээнд энэ оны эхний улиралд нийт нас баралтын 6 хувийг тав хүртэлх насны хүүхдүүд, түүний 84.7 хувийг нялхсын эндэгдэл эзэлж байна.
Халдварт өвчнөөр өвчлөгсдийн тоо өмнөх оны мөн үеэс 96.3 хувиар буурсан нь ковидын тархалт багассантай холбоотой юм.
Гар, хөл, амны өвчнөөр өвчлөгсөд 9.9 дахин, цусан суулгаар өвчлөгсөд 31.4 хувиар, сүрьеэгээр өвчлөгсөд 12 хувиар тус тус нэмэгдсэн байна.
Улсын хэмжээнд энэ оны эхний улирлын байдлаар ХДХВ-ын найман тохиолдол бүртгэгдэж, өмнөх оны мөн үеэс зургаан тохиолдлоор нэмэгдсэн бол тэмбүүгийн 1070 тохиолдол бүртгэгджээ.
