“Боловсрол” суваг телевизийн бүтээл “Яг түүн шиг” шоу нэвтрүүлгийн энэ улирлын дугаар удахгүй цацагдана. Тус шоунд оролцогчдоор хэн тодрох бол хэмээн олон нийт ихэд хүлээлттэй байгаа.
Тэгвэл олны танил, урлаг соёлын алдартай эрхмүүдээс сонголтоо хийдэг “Яг түүн шиг”-ийнхэн энэ удаад “Эмоци” продакшны жүжигчин О.Тэмүүжинг онилжээ.
Жүжигчин О.Тэмүүжин энэ талаар хэлэхдээ “Яг түүн шиг” шоуны гол дүр, сэтгэлд хүрсэн дүр бүтээхийн төлөө оролцоно. Үзэгчдэд шал өөр өнцгөөс харагдах Тэмка шоуны тайзнаа бэлэн. Яг тэр хүн шиг байхын тулд жүжигчин хүний мэргэжил илүү давуу талтай гэж би бодож байна.Энэ мэргэжлээр овоглож, уран бүтээл туурвиж байгаа хүний хувьд энэ шоунд өөрийгөө дайчилж, бүх ур чадвараа гаргаж, сонгогдсон бүх дүрүүдээ адилхан дуурайхын төлөө хичээнэ ээ” хэмээсэн юм.