Эрүүл мэндийн яамнаас Япон Улсын ЖАЙКА байгууллагатай 2015 оноос хамтран хэрэгжүүлж байгаа “Монгол Улсын анхан ба хоёр дахь шатлалын эмнэлгийн мэргэжилтний төгсөлтийн дараах сургалтыг сайжруулах” төслийн хүрээнд олон үйл ажиллагаа хэрэгжиж байгаагийн нэг нь өнөөдрөөс эхлэн гурван хоногийн хугацаатай “Эмнэл зүйн сургагч багшийн сургалт” юм.
Эрүүл мэндийн хөгжлийн төвд 2016 оноос эхлүүлсэн энэхүү сургалтыг өнөөдрийг хүртэл нийт 13 удаа зохион байгуулж, 301 эмчийг эмнэл зүйн сургагч багшаар бэлтгэсний 45 нь өдгөө үндэсний чиглүүлэгч багш болж, удаа дараагийн “Эмнэл зүйн сургагч багш”-ийн сургалтыг амжилттай зохион байгуулаад байна. Өмнөх 13 удаагийн сургалтанд суралцсан эмч нарын дийлэнх нь төрөлжсөн мэргэшлийн эмнэлэг, тусгай мэргэшлийн төв, нийслэлийн эрүүл мэндийн байгууллагаас, цөөн хувь нь орон нутгаас буюу 5 аймгаас л байсан бол энэ удаагийн сургалтанд суралцах эмч нарын 60 хувь нь 20 аймгаас ирсэн орон нутгийн эмч нар байгаа юи.
Энэ удаад стандарт сургалтанд оролцогчдын тоог 3 дахин нэмэгдүүлж, нэг дор 64 эмчийг “Эмнэл зүйн сургагч багш”-аар бэлтгэх сургалтын жишгийг тогтоосноор төгсөлтийн дараахь үндсэн мэргэшлийн сургалт удирдах чадвар бүхий эмч нарын тоог богино хугацаанд нэмэгдүүлэх, үндсэн мэргэшлийн зарим сургалтыг аймаг, дүүргийн нэгдсэн эмнэлэгт үе шаттайгаар шилжүүлэх зорилго агуулж байгаа нь онцлог юм
“Эмнэл зүйн сургагч багш”-ийн энэ удаагийн анхны сургалтыг удирдах 14 үндэсний чиглүүлэгч багш, 5 Япон багш удирдаж байна
