“Эмийн салбарыг дэмжих 30 тэрбум төгрөгийн эх үүсвэрийн асуудалд 3асгийн газар анхаарна” гэж Ерөнхий сайд Ч.Сайханбилэг хэллээ. Өнөөдөр болсон “Шийдлийн цаг”-аар Ерөнхий сайд эмийн бүтээгдэхүүнийхээ 50 хувийг дотооддоо үйлдвэрлэдэг болгохын төлөө төсөв, санхүүгийн хувьд дэмжлэг үзүүлж ажиллахаа илэрхийлсэн байна. Учир нь эдийн засгаа солонгоруулах боломжийн нэг нь эм, эмийн бүтээгдэхүүн үйлдвэрлэлийн салбар ажээ.
Үндэсний аюулгүй байдлын бодлогод эмийн бүтээгдэхүүний 50 хүртэлх хувийг дотооддоо үйлдвэрлэнэ гэж заасан байдаг. Гэтэл монголчууд эмийн хэрэгцээнийхээ дөнгөж 17 хувийг үйлдвэрлэж байгаа юм байна. Хэрэв 30-аад тэрбумын хөнгөлөлттэй зээл олговол Монгол Улс эм, эмийн бүтээгдэхүүнийхээ 40 орчим хувийг өөрсдөө үйлдвэрлэх боломжтой болох юм.