“Элизабет” хотхонд дөрөв, “СиЖиЭс” хувийн эмнэлэгт найман тохиолдол тус тус бүртгэгдэж шинэ голомт болсон талаар ХӨСҮТ-ийн Тандалт судалгааны албаны дарга А.Амбасэлмаа мэдээллээ.
2021 оны хоёрдугаар сарын 8-ны өдөр улсын хэмжээнд хүнд 18871 шинжилгээ хийхэд 47 хүнээс коронавирус илэрлээ. Халдвар бүгд Улаанбаатарт бүртгэгдсэн. Ихэвчлэн халдвар авсан иргэдийн хавьтал болсон, тусгаарлалтад байгаа хүмүүсээс коронавирус илэрсэн гэлээ. “Элизабет” хотхонд 4 , “СиЖиЭс” хувийн эмнэлэгт 8 тохиолдол тус тус бүртгэгдсэн байна.
Нийслэлд халдварын 13 голомт идэвхтэй байна. Сүүлийн үед гэр бүлийн хавьтлаас гадна аж ахуй нэгж, албан байгууллагын дунд халдвар тархах эрсдэл өндөр байна гэв.