Элэгний С вирусыг эмчлэх “Вирпас” гэх эмийг ирэх сараас эхлэн үндсэн үнээс нь 40 хувь хөнгөлж, 155 ам.доллараар худалдаалахаар болжээ. Худалдаанд байдаг С вирусын эсрэг эм доод тал нь 250 ам.долларын үнэтэй байгаа бол “Вирпас” эмийн үнэ 90 гаруй ам.доллараар хямд байгаа аж. “Вирпас” нь элэгний С вирусын эсрэг “Харвони” эмийн ерөнхий нэршлийн эм аж. Энэхүү эмийг ирэх аравдугаар сарын эхний долоо хоногоос эхлэн 155 ам.доллараар эмийн сангаар худалдаалахаар болжээ. Эмийн нэг хайрцаг нь 155 ам.доллар байх юм. Нэг курс эмчилгээнд доод тал нь гурван хайрцаг гэж тооцвол 465 ам.доллараар иргэд уг эмийг авах ажээ.