Элэгний С вирусийн халдварыг таслан зогсоох зорилгоор “Элэг бүтэн Монгол” үндэсний хөтөлбөрийг хэрэгжүүлж эхлээд байгаа. Хөтөлбөрийн хүрээнд С вирусийн эсрэг нэлээд хэдэн эмийн үнийг хөнгөлөлттэй үнээр иргэдэд олгох болсон. Тус төрлийн эм 340-700 мянган төгрөгийн үнэтэй байсныг 210 мянган төгрөгийн хөнгөлөлтэйгөөр олгож байсан. Харин ЭМЯ, “Эм импекс концерн” хамтран өнөөдрөөс С вирусийн эсрэг үйлчилгээтэй “Ледвир” эмийн зардлыг улсаас гаргаж, даатгалтай иргэдэд үнэ төлбөргүй хэрэглэх боломжийг бий болголоо.
“Элэг бүтэн Монгол” хөтөлбөрийн хүрээнд 2020 он гэхэд элэгний С вирусээс бүрэн ангижирсан дэлхийн анхны улс болох зорилго тавиад байгаа билээ.