Энэ сарын эхээр Эх хүүхдийн эрүүл мэндийн үндэсний төвийн гадаа 26 настай эмэгтэй амаржиж, энэ мэдээлэл нь олон нийтийн сүлжээнд ихээхэн шүүмжлэл дагуулсан. Үүний дараа тус эмнэлэгийн захирал Ш.Энхтөр “Юуны өмнө таагүй үйл явдал тохиолдсонд харамсаж байна. Болсон үйл явдлыг та бүхэн мэдэж байгаа. Болсонд явдалд өөрсдийгөө зөвтгөхгүй. Ёс зүйн хувьд хариуцлага хүлээж, ажлаа өгнө” хэмээн мэдэгдсэн. Гэвч энэ хүсэлтийг нь Эрүүл мэндийн яам хүлээж аваагүй тухай мэдээлэл байна. Иймд тэрээр одоог хүртэл албан ажлаа үргэлжлүүлэн хийж байгаа аж. Уг нь болсон явдлын дараахан Эрүүл мэндийн сайд Д.Сарангэрэл албан даалгавар гаргаж эмч, эмнэлэгийн ажилтны ёс зүй харилцаа хандлагыг сайжруулах чиглэл өгч, алдаа зөрчилгүй ажиллахыг даалгасан билээ.