Парисаас Каирыг чиглэн нислэг үйлдэж явсан Египетийн нисэх онгоц орон нутгийн цагаар өнгөрсөн шөнө 02.45 цагт радарын дэлгэцнээс алга болжээ. Египетийн “EgyptAir” компанийн “MS804” нислэг орон нутгийн цагаар 23.09 цагт хөөрсөн юм байна.
Олон улсын нислэгийн хяналтын “Flightradar24” үйлчилгээний мэдээллээр нисэх онгоц Газар дундын тэнгис дээгүүр 11 мянган метрийн өндөрт нислэг үйлдэж явахдаа радарын дэлгэцнээс алга болсон аж. Нисэх онгоц Египетийн агаарын орон зайд нэвтрэхээс 10 минутын өмнө холбоо тасарсан байна. Радарын дэлгэцнээс алга болж холбоо тасарсан EgyptAir компанийн 59 зорчигчтой “Airbus A320-232” нисэх онгоцыг эрж хайх ажлыг Египетийн албаныхан эхлүүлсэн байна.