Өнөөдөр Ерөнхий сайд Ж.Эрдэнэбат сэтгүүлчидтэй уулзалт хийнэ. Уг уулзалтаар Засгийн газрын хэрэгжүүлсэн бодлого, үйл ажиллагааны талаар дэлгэрэнгүй мэдээлэл өгөх юм байна. Мөн энэ үеэрээ Засгийн газраас боловсруулсан эдийн засгийн онцгой хөтөлбөрийн талаар мэдээлэх гэнэ.
Эдийн засгийн онцгой хөтөлбөрт тухайлсан ямар асуудлуудыг хэрхэн төлөвлөсөн талаархи мэдээлэл одоогоор тодорхойгүй байгаа юм. Өмнө нь Засгийн газраас эдийн засгийн онцгой хөтөлбөр боловсруулж, хоёр удаа хуралдаанаараа хэлэлцсэн гэх мэдээлэл гарч байсан. Уг хөтөлбөрийг өчигдрийн хуралдаанаараа эцсийн байдлаар хэлэлцэж нягталсан бөгөөд Үндэсний аюулгүй байдлын зөвлөлийн хуралдаанаар ч оруулж хэлэлцжээ. Харин өнөөдөр УИХ-д албан ёсоор өргөн барихаар болсон байна.