Жил бүр уламжлал болгон зохион байгуулдаг “Эдийн засгийн форум”-ийг зохион байгуулах нийслэлийн Засаг даргын Хөгжлийн асуудал хариуцсан нэгдүгээр орлогч Ж.Батбаясгалангаар ахлуулсан ажлын хэсэг өнөөдөр хуралдлаа.
Хуралдаанаар форумыг зохион байгуулах бэлтгэл ажлын төлөвлөгөө болон үйл ажиллагааны хөтөлбөр, агуулгыг ярилцаж, энэ жил ямар уриан дор нэгдэх зэрэг асуудлыг хэлэлцэн, саналаа нэгтгэн удирдах зөвлөлд танилцуулахаар боллоо. Эдийн засгийн форум нь төр, хувийн хэвшил хамтран эдийн засагт тулгамдаж байгаа асуудлуудаа ярилцан гарц, шийдэл хайж, бодит үр дүн гаргах зорилготой юм.
Өнгөрсөн жил “Монголын эдийн засгийн форум-2018”-ыг төрийн ордонд “Хүчээ нэгтгэе” уриан дор зохион байгуулсан. Энэ жил зургадугаар сарын 28-ны өдөр зохион байгуулахаар тогтсоныг Нийслэлийн ЗДТГ-ын Хэвлэл мэдээлэлтэй харилцах хэлтсээс мэдээллээ.