Казахстаны Алматы хотод Армийн генерал Сагадат Нурмаганбетовын нэрэмжит боксын олон улсын тэмцээн болж байна. 22 дахь удаагийн тэмцээнд Казахстан, Монгол, ОХУ, Кыргызстан, Узбекистан, Тажикистаны нийт 128 ширэн бээлийтэн эрэгтэйчүүдийн 10 жинд өрсөлдөв. Энэ тэмцээнд Монгол Улсаас дасгалжуулагч Х.Хайнарын удирдлага дор А.Нурлан, Ц.Мөнхбаатар, Э.Цэндбаатар, Б.Сүххуяг нар өрсөлдөхөд Э.Цэндбаатар, Ц.Мөнхбаатар нар хүрэл медалийн болзол хангалаа. Тэд өнөөдөр мөнгөн медалийн төлөө тулалдах бол А.Нурлан, Б.Сүххуяг нар медалийн даваанд ялагджээ.
