Арабын нэгдсэн Эмират улсад болж буй буудлагын оюутны Дэлхийн аварга шалгаруулах тэмцээнээс ОУХМ Э.Даваахүү хүрэл медаль хүртэж, Монголын баг шилдэг гуравт багтлаа.
Өчигдөр буюу аравдугаар сарын 11-нд болсон хийн гар бууны эрэгтэйчүүдийн дасгалд нийт 30 буудагч буудсанаас БНСУ-ын Пак Даехун түрүүлж, Чехийн Дубов Жиндвич, ОУХМ Э.Даваахүү нар мөнгө, хүрэл медаль хүртлээ. Э.Даваахүү шигшээ буудлагад 6-р байраар шалгарч 176,1 оноогоор медалийн тавцанд зогслоо. Багийн дүнгээр Польшийн баг тэргүүлж, Румын, Монгол Улсын багууд мөнгө, хүрэл медаль хүртлээ. Манай улсын багийн бүрэлдэхүүнд ОУХМ Э.Даваахүү, спортын мастер О.Төгөлдөр, спортын мастер Н.Цэрэнтогтох нар багтжээ.
Оюутны дэлхийн аварга шалгаруулах тэмцээн өнөөдөр өндөрлөх бөгөөд Монгол Улсын баг нэг мөнгө, хоёр хүрэл медаль хүртсэн амжилтаар тэмцээнийг үргэлжлүүлж байна.
Тэмцээний хоёр дахь өдөр буюу аравдугаар сарын 9-нд болсон эмэгтэйчүүдийн 25 метрийн спорт гар бууны дасгалд ОУХМ Т.Баярцэцэг мөнгөн медаль хүртсэн юм.