Эмнэлэгт хэвтэн эмчлүүлж буй хүүхдүүдэд зориулж эмчилгээний өрөө, тоглоомын өрөө зэрэг тухтай орчинг бүрдүүлсэн “Dream Corner” төсөл өнөөдөр Баянгол дүүргийн хүүхдийн эмнэлэгт нээлтээ хийлээ.
Энэхүү төсөлд хандив цуглуулахаар “Найрамдал Ротаракт” клуб 2014 онд санаачилжээ. 2015 оноос эхлэн Швейцарийн хөгжлийн агентлагын санхүүжилтээр хэрэгжүүлж эхэлсэн байна. Энэхүү төсөл нь Улаанбаатар хотын долоон дүүргийн эмнэлэг, хүчирхийлэлийн эсрэг үндэсний төвийн хамгаалах байр зэрэг найман газарт хэрэгжсэн аж.
Уг төслийн нээлтэнд нийслэлийн эрүүл мэндийн газрын орлогч дарга Б. Ганбат, Швейцарын хөгжлийн агентлагын төлөөлөгчид оролцсон юм.
Э. АРИУНЗУЛ