Дорноговь аймгийн онцгой комиссоос өнөөдөр цаг үеийн асуудлаар мэдээллээ хийлээ.
Дорноговь аймгийн Нийгмийн эрүүл мэндийн төвийн дарга Б.Амаржаргал “Аймгийн хэмжээнд давхардсан тоогоор 26244 шинжилгээг 15620 хүнд хийгээд байна. Замын-Үүд суман дахь PCR шинжилгээнд 788 хүн хамрагдаад байна. Түүнчлэн аймгийн хэмжээнд 12 цэгт 22 эмч ажиллаж PCR шинжилгээнд 1043 хүн, түргэвчилсэн оношлуурын шинжилгээнд 187 хүнийг хамруулсан. Нэг оюутны шинжилгээний хариу түргэвчилсэн оношлуураар эерэг гарсан байгаа. PCR-ийн шинжилгээг ХӨСҮТ рүү явуулчихсан. 1-2 хоногийн дотор гарчих байх. Өнгөрсөн 24 цагийн хугацаанд 2899 автомашин Дорноговь аймгаас гарч, 3080 автомашин нэвтэрсэн” гэлээ.