ОБЕГ-ын тэргүүн дэд дарга, бригадын генерал Г.Ариунбуян БНХАУ-ын ӨМӨЗО-ны Хөлөнбуйр хотын Засгийн газрын Бүрэн цагийн орлогч захирагч, Ойн хээрийн гал түймэртэй тэмцэх газрын дарга, Ойн талбайн галын аюулаас урьдчилан сэргийлэх албаны дарга Хү Лиан И тэргүүтэй төлөөлөгчдийг хүлээн авч уулзлаа.
ОБЕГ-ын тэргүүн дэд дарга, бригадын генерал Г.Ариунбуян, Монгол Улсын Засгийн газар, БНХАУ-ын Засгийн газар хоорондын “Хил орчмын ой, хээрийн түймэртэй тэмцэх талаар хамтран ажиллах тухай” хэлэлцээрийг хэрэгжүүлэх ажлын хүрээнд Монгол Улсын Зүүн бүсийн гурван аймаг болох Дорнод, Хэнтий, Сүхбаатар аймгуудын Онцгой байдлын газрын ой, хээрийн гал түймэртэй тэмцэх чадавхыг дээшлүүлэхэд дэмжлэг үзүүлэн хамтран ажилладаг тус газрын удирдлагуудад талархал илэрхийлэв. Хариуд нь Хөлөнбуйр хотын Ардын Засгийн газар, Ой хээрийн түймэртэй тэмцэх газраас Дорнод аймгийн Халхгол суманд Гал түймэр унтраах, аврах ангийг шинээр байгуулахад тусалж дэмжихээ илэрхийлж, шаардлагатай тоног төхөөрөмжийн тусламж үзүүлж, цаашид харилцан туршлага солилцох, гал түймрийн үед мэдээллийг хоёр талд шуурхай мэдээлэх, хамтын ажиллагаагаа улам өргөжүүлэх чиглэлээр хамтарч ажиллах тал дээр санал нэг байна гэв. Хоёр улсын дээрх байгууллагууд “Дорнод аймаг, Хөлөнбуйр хотын ой шугуй, тал хээрийн гал түймрээс урьдчилан сэргийлэхэд хамтран ажиллах тухай санамж бичиг”-т гарын үсэг зурахаар тохиролцсон байна.ж, шаардлагатай тоног төхөөрөмжийн тусламж үзүүлж, цаашид харилцан туршлага солилцох, гал түймрийн үед мэдээллийг хоёр талд шуурхай мэдээлэх, хамтын ажиллагаагаа улам өргөжүүлэх чиглэлээр хамтарч ажиллах тал дээр санал нэг байна гэв. Дээрх хоёр улсын мэргэжил нэгт байгууллага “Дорнод аймаг, Хөлөнбуйр хотын ой шугуй, тал хээрийн гал түймрээс урьдчилан сэргийлэхэд хамтран ажиллах тухай санамж бичиг”-т гарын үсэг зурахаар тохиролцсон байна.