Өнөөдөр Чингисийн талбайд хэдэн залуус сайн дурын суулт хийсэн юм. Тэд сайн дурын суултаа долоо хоног үргэлжлүүлэх аж. Ингэхдээ өдөр бүр 11.30-14.00 цаг хүртэл суух юм байна.
Тэд “Үзэл бодлоо илэрхийлэхийн тулд суулт хийж байна. Монгол Улс маань бидэнд хэрэгтэй байна. Ард иргэд залуучууд минь ухаараад Монголоо авч үлдэцгээе. Сүүлийн үед газар нутаг минь сүйдэж дуусч байна. Би хойч үедээ энд Монгол Улс байсан гэж яримааргүй байна. Би хойч үедээ овоолсон шороо биш ариун нандин газар нутгаа үлдээмээр байна. Бас төрийн албан хаагч болон төрийн том албан тушаалтай хүмүүст хандан идэж уухаа болиоч ээ хэмээн хэлмээр байна” гэв.