Украиний бөхийн спортын холбооны ерөнхийлөгч, олимпийн аварга Э.Тедеев 2015 оны тавдугаар сарын 23-ны өдөр тохиож байгаа Дэлхийн бөхийн өдрийн мэндийг дэвшүүлсэн байна.
Уг мэндчилгээндээ “111 жилийн тэртээ, 1904 оны тавдугаар сарын 23-ны өдөр ДАШТ анх удаа болж байсан билээ. Бүтэн зуу гаруй жилийн түүхтэй бөхийн спортын өдрийг дэлхий даяар өнөөдөр хоёр дахь удаагаа ёслол төгөлдөр тэмдэглэж байна. Бөх бол хүн төрөлхтөний мэддэг хамгийн эртний, хамгийн шудрага спортын төрөл байсныг түүхчид нотолж байна. Эрт дээр үеэс бөхчүүд дэвжээнд гарч хэн нь илүү хүч тэнхээтэй, ур чадвартай болохоо тодруулдаг байжээ. Тэр үеэс мянган жил өнгөрсөн ч бөхийн дэвжээг сонирхогчдын харц салахгүй байсаар өдийг хүрчээ. Дэлхийн бөхийн хамтын нийгэмлэгт Украиний бөхчүүд хамгийн хүчтэй өрсөлдөгч нарын нэг байсаар ирсэнд бид бахархаж байна. Дэлхийн спортын бөхийн өдрийн мэндийг дэвшүүлж эрүүл энх, энх амгалан, гэр бүлийн илч дулааныг хүсэн ерөөж байна.” гэж онцлон дурдсан байна.